Ermənistan Laçın-Xankəndi yolunun başlanğıcında nəzarət-buraxılış məntəqəsinin qurulmasını “qanunsuz” adlandırır. Amma Ermənistan öz ərazisində Avropa İttifaqının missiyasının, Rusiyanın hərbi bazasının olmasına nəzər salmalıdır.

AZƏRTAC xəbər verir ki, bu fikirləri parlamentin aprelin 25-də keçirilən plenar iclasında Sosial Tədqiqatlar Mərkəzinin İdarə Heyətinin və Milli Məclisin İnsan hüquqları komitəsinin sədri Zahid Oruc söyləyib.

O bildirib ki, Laçın yolunda sərhəd-buraxılış məntəqəsinin qurulması ermənilərin qanunsuz fəaliyyətinə son qoyacaq.