Yeni Azərbaycan Partiyasının (YAP) təsis olunmasının 29-cu ildönümü ilə əlaqədar partiyanın nümayəndə heyəti noyabrın 19-da Fəxri xiyabana gələrək müasir müstəqil Azərbaycanın memarı və qurucusu, YAP-ın yaradıcısı, xalqımızın ümummilli lideri Heydər Əliyevin xatirəsini yad edib, məzarı önünə əklil və gül dəstələri qoyub.

AZƏRTAC xəbər verir ki, görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

Daha sonra Şəhidlər xiyabanına gələn partiya üzvləri Azərbaycanın müstəqilliyi və ərazi bütövlüyü uğrunda mübarizədə canlarından keçən qəhrəman Vətən övladlarının xatirəsinə ehtiramlarını ifadə edib, məzarları üzərinə güllər düzüblər.

Nümayəndə heyətinin üzvləri, həmçinin Qafqaz İslam Ordusunun tərkibində Bakının azad olunması uğrunda döyüşlərdə şəhidlik zirəsinə ucalan qəhrəman türk əsgərlərinin şərəfinə ucaldılmış “Türk şəhidliyi abidəsini ziyarət edib, abidə önünə güllər qoyublar.