TÜRKPA-nın Hüquqi məsələlər və beynəlxalq əlaqələr komissiyasının 11-ci iclasının iştirakçıları martın 4-də Şəhidlər xiyabanını ziyarət ediblər.

AZƏRTAC xəbər verir ki, iclas iştirakçıları Azərbaycanın müstəqilliyi və ərazi bütövlüyü uğrunda mübarizədə şəhid olan qəhrəman Vətən övladlarının xatirəsinə ehtiramını bildirib və məzarları üzərinə güllər düzüblər. Həmçinin “Əbədi məşəl” abidəsi ziyarət olunub.

Qonaqlar “Türk şəhidliyi” abidəsini də ziyarət edib, Azərbaycanın suverenliyi uğrunda mübarizədə canlarından keçmiş türk əsgərlərinin xatirəsinə ucaldılmış abidə önünə tər güllər düzüblər.