Cənubi Qafqazda maraqlar həmişə olub. Türkiyə və Azərbaycan əvvəlki ölkələr deyil. Hər iki ölkə regionda və dünyada böyük nüfuz sahibidirlər.

AZƏRTAC xəbər verir ki, bunu Türkiyə Böyük Millət Məclisinin Azərbaycanla dostluq qrupunun üzvü Yunuz Kılıç fevralın 4-də Qərbi Azərbaycan İcmasında jurnalistlərə açıqlamasında söyləyib.

Türk parlamentari bildirib ki, Qərbi Azərbaycan torpaqlarında tarixən azərbaycanlılar yaşayıbar, ermənilərin sayı isə çox az olub. Şükürlər olsun ki, Azərbaycan Zəfəri ilə haqsızlığa son qoyaraq ərazi bütövlüyünü bərpa etdi. Azərbaycan və Türkiyə bir-birinə əvvəlkindən daha yaxındırlar. Biz dost və qardaş olaraq hər zaman Azərbaycanın yanındayıq.

Azərbaycanın İrandakı səfirliyinə qarşı törədilən hücumu pisləyən türk deputat qeyd edib ki, İran hökuməti bu hadisəyə görə məsuliyyət daşıyır.