“Qarabağ İtkin Ailələri” İctimai Birliyinin Birləşmiş Millətlər Təşkilatına (BMT) ünvanladığı müraciətdə hər şey açıq-aydın qeyd edilib. Biz bunların hamısı ilə razıyıq. İstəyirik ki, itkin düşmüş yaxınlarımızın taleyinə aydınlıq gətirilsin.

Bunu AZƏRTAC-a müsahibəsində Qarabağ müharibəsində itkin düşmüş Əhməd Məmmədovun qızı Sevinc Hacıyeva söyləyib.

Bu günə qədər atasından heç bir xəbər almadığını bildirən S.Hacıyeva deyib: “Nənəm və anam atamın yolunu gözləyə-gözləyə dünyalarını dəyişdilər. Amma mən, heç olmasa, atam sağdırsa sağlığını görmək, həyatını itiribsə nəşini almaq istəyirəm. Bilək ki, bizim də gedəcək, ziyarət edəcək bir qəbrimiz var”.