Son günlər Ermənistan tərəfindən Azərbaycana qarşı təxribatlar daha da güclənib. Düşmənin təxribatlarının qarşısı Azərbaycan Prezidenti İlham Əliyevin düşünülmüş siyasəti və iradəsi sayəsində alınır və alınacaq.
×
Son günlər Ermənistan tərəfindən Azərbaycana qarşı təxribatlar daha da güclənib. Düşmənin təxribatlarının qarşısı Azərbaycan Prezidenti İlham Əliyevin düşünülmüş siyasəti və iradəsi sayəsində alınır və alınacaq. Biz düşmənin istənilən təxribatının qarşısını alacağıq.
AZƏRTAC xəbər verir ki, bunu Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov sentyabrın 23-də komitənin payız sessiyasında keçirilən ilk iclasında deyib.
Səməd Seyidov bildirib ki, sentyabrın 12-14-də Azərbaycanın Ermənistanla sərhədində baş verənlər qarşı tərəfdən düşünülmüş təxribat cəhdidir. Bu təxribatları törətməkdə məqsəd vəziyyəti gərgin saxlamaq, sülh sazişindən boyun qaçırmaq, Azərbaycanın siyasi iradəsinə qarşı çıxmaqdır. Regionda inkişafı ləngitmək də bu məqsədlərdən biridir.
Qeyd olunub ki, Azərbaycanın yürütdüyü siyasət regionda sabitliyi və təhlükəsizliyi təmin etməyə yönəlib.