Azərbaycanın Avrasiya İqtisadi İttifaqına (Aİİ) müşahidəçi qismində cəlb edilməsi səmərəli olardı. Təbii ki, müşahidəçi ölkə ittifaq çərçivəsində baş verən proseslər barədə daha məlumatlı olur və prosesləri izləyir. Bu kontekstdə Azərbaycanın imkanları kifayət qədərdir.

AZƏRTAC xəbər verir ki, bu fikirləri jurnalistlərə açıqlamasında Rusiya Federasiyasının Baş nazirinin müavini Aleksey Overçuk bildirib.

Hazırda regional əlaqələrin möhkəmləndirilməsi üçün əlverişli imkan yarandığını diqqətə çatdıran Rusiya Federasiyasının Baş nazirinin müavini ölkələrimiz arasında əlaqələrin yeni müstəvidə daha keyfiyyətlə və sürətlə inkişaf edəcəyinə əminliyini ifadə edib.