Baş Prokurorluq tərəfindən Qərbi azərbaycanlılara qarşı uzun illər aparılmış deportasiya və soyqırımı cinayətləri ilə bağlı cinayət işi başlanılıb. Eyni zamanda, azərbaycanlı əsirlərə və girovlara qarşı həyata keçirilən cinayətlərlə bağlı istintaq aparılır. Ümumiyyətlə, XX əsrin müxtəlif dövrlərində ermənilərin azərbaycanlılara qarşı həyata keçirdiyi bütün cinayətlər araşdırılır.

AZƏRTAC xəbər verir ki, bu sözləri Baş prokurorun müavini Elmar Camalov “Azərbaycanlılara qarşı nifrət cinayətləri və nifrət nitqi” hesabatının təqdimatı ilə bağlı keçirilən konfransda söyləyib.

Onun sözlərinə görə, ermənilərin mülki əhaliyə və infrastruktura ziyan vurması, qadağan olunmuş fosfor silahlarından istifadə etməsi məsələləri araşdırılır.