Dekabr ayında keçiriləcək Şərq Tərəfdaşlığı zirvə görüşü Avropa İttifaqı ilə tərəfdaş ölkələr arasında əməkdaşlığın yaxın illər üçün prioritetlərini müəyyən edəcək.

AZƏRTAC xəbər verir ki, bu sözləri jurnalistlərə açıqlamasında Avropa İttifaqının Azərbaycandakı nümayəndəliyinin rəhbəri səfir Peter Mixalko deyib.

“Yüksək səviyyəli görüş çərçivəsində ətraf mühit, yaşıl infrastruktur, rəqəmsal transformasiya, dayanıqlı iqtisadiyyat və s. sahələr üzrə gələcək əməkdaşlığın prioritetləri müəyyən ediləcək”,- deyə səfir bildirib.

Qeyd edək ki, “Şərq Tərəfdaşlığı” proqramına 2009-cu ildə start verilib.