FETÖ terror təşkilatının nümayəndələri Türkiyə və Azərbaycanı istəməyən bütün qüvvələrlə əlbirdirlər. Onlar erməni diasporu ilə də sıx əlaqə saxlayırlar. Ümumiyyətlə, dünyanın 170 ölkəsində fəaliyyətlərini davam etdirirlər.

AZƏRTAC xəbər verir ki, bu fikirləri Türkiyənin Azərbaycandakı səfirliyinin müşaviri Mustafa Çakır ölkəsinin “15 İyul - Demokratiya və Milli Birlik Günü” münasibətilə Bakıda keçirilən konfransda səsləndirib.

Dövlət çevrilişinə aparan səbəblərdən danışan diplomat qeyd edib ki, 15 iyul hadisələri FETÖ terror təşkilatının iç üzünü göstərdi. Onların məqsədi Türkiyədə çevrilişə cəhd edərək siyasi idarəetməni ələ keçirmək idi. Amma istəklərinə nail ola bilmədilər.