Fevralın 8-də “Sivil Toplum” Monitorinq Koalisiyası növbədənkənar Azərbaycan Respublikası Prezidenti seçkilərinin apardığı müşahidələrin nəticələri ilə bağlı mətbuat konfransı keçirib.

AZƏRTAC xəbər verir ki, tədbirdə müşahidəçilərdən alınan açıqlamalarda bu il ötən seçkilərlərlə müqayisədə fəallığın rekord həddə olduğu vurğulanıb. Bildirilib ki, 613 nəfər tərəfindən müşahidə aparılan 60-dan çox seçki məntəqəsində qanunverciliyin tələblərinə ciddi şəkildə riayət olunub, proses tam şəffaf formada həyata keçirilib. Seçicilər konstitusion hüquqlarından istifadə edərək səs veriblər.

Qeyd olunub ki, seçiçilərin səsvermə hüququndan istifadə etmələri üçün tam şərait yaradılıb. Diqqətə çatdırılıb ki, əvvəlki prezident seçkiləri ilə müqayisədə bu dəfə seçki komissiyalarının tərkibində qadınların sayında artım müşahidə olunub. Ümumiyyətlə, seçkilərdə ciddi qanun pozuntusu qeydə alınmayıb. Media nümayəndələrinin peşə fəaliyyətlərini rahat şəkildə həyata keçirmələri üçün hər cür şərait yaradılıb.