Misir regionda gedən prosesləri yaxından izləyir.

AZƏRTAC xəbər verir ki, bunu Misir Ərəb Respublikasının Azərbaycan Respublikasına yeni təyin olunmuş səfiri Hişam Mohamed Nağı Abdel Həmid jurnalistlərə müsahibəsində bildirib.

2020-ci ilin payızında Azərbaycanın inamlı Qələbəsi ilə bitən 44 günlük müharibədən sonra Azərbaycanla Ermənistan arasındakı bütün məsələlərin sülh yolu ilə həll edilməli olduğunu bildirən səfir ölkəsinin ərazilərin minalardan təmizlənməsi prosesini və sülhün bərqərar olması istiqamətində atılan addımları dəstəklədiyini deyib.

Səfir paytaxt Bakı şəhərinin onda böyük təəssürat yaratdığını qeyd edib.