Azərbaycanda səfərdə olan MDB Parlamentlərarası Assambleya Şurasının iştirakçıları iyunun 1-də Ulu Öndər Heydər Əliyevin məzarını ziyarət ediblər.

AZƏRTAC xəbər verir ki, qonaqlar Fəxri xiyabana gələrək xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə əklil qoyublar.

Sonra görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.