Azərbaycan 2020-ci ildə Vətən müharibəsindəki Zəfəri ilə öz ərazi bütövlüyünü bərpa etdi. Bununla ölkəmiz həm də regionda yeni reallıq yaratdı. Hazırkı mərhələdə Cənubi Qafqaz mövzusu mühüm mövzulardan biridir.

AZƏRTAC xəbər verir ki, bu fikirləri Beynəlxalq Münasibətlərin Təhlili Mərkəzinin sədri Fərid Şəfiyev noyabrın 12-də “10 noyabr razılaşması: Cənubi Qafqazda sülh üçün əsas” mövzusunda BMTM-də keçirilən müzakirələr zamanı bildirib.

Sədr qeyd edib ki, Rusiya çətin dövrdə Azərbaycanın dostu kimi öz dəstəyini əsirgəmədi. Ölkələrimiz arasında siyasi, iqtisadi və digər sahələrdə əməkdaşlıq əlaqələri inkişaf edir və genişlənir.