Bu günlərdə Şimali Kiprdə Azərbaycan xalqının Ümummilli Lideri Heydər Əliyevin 100 illik yubileyini qeyd etdik. Ulu Öndər təkcə Azərbaycanın deyil, bütün Türk dünyasının qürurudur.

AZƏRTAC xəbər verir ki, bu fikirləri Azərbaycanda rəsmi səfərdə olan Şimali Kipr Türk Cümhuriyyətinin Prezidenti Ersin Tatar oktyabrın 14-də keçirilən mətbuat konfransında söyləyib.

Şimali Kiprin Prezidenti ölkəsinin müstəqilliyinin tanınması məsələsinə toxunub və bu istiqamətdə görülən işlərdən danışıb.

Türk Dövlətləri Təşkilatının müşahidəçi üzvü olmağın üstünlüklərini qeyd edən Ersin Tatar Azərbaycanın həmişə Türk dünyasının sıx birləşməsinə töhfəsini verdiyini vurğulayıb.