Ərəb Dövlətləri Liqasının Baş katibi kimi deyə bilərəm ki, hazırda dünyada, həmçinin regionda vəziyyət çox gərgindir. Bizi gözləyən təhlükənin qarşısının alınması gündəmdə olan məsələdir. Ümumiyyətlə, qlobal təhlükə və qütblük geniş vüsət alıb və gərginlik yaradıb.

AZƏRTAC xəbər verir ki, bunu Ərəb Dövlətləri Liqasının Baş katibi Əhməd Əbul Qeyt IX Qlobal Bakı Forumu çərçivəsində iyunun 17-də keçirilən “Yaxın Şərqdə ərəb və müsəlman dünyasında sülh, təhlükəsizlik və inkişaf axtarışı” mövzusunda panel iclasında deyib.

İqtidarda radikal ruhlu şəxslərin olmasının mövcud təhlükəli vəziyyətə mənfi təsir etdiyini deyən moderator vurğulayıb ki, münaqişələr gələcəyimizə təsir edən mühüm amildir. O deyib: “Suriyada, Yəməndə vətəndaş müharibələri təhlükəsizliyə ciddi ziyan vurub. Ən çox Suriyadakı vəziyyət ürək ağrıdır.

Regional oyunçular mövcud vəziyyətə təsir edirlər. Bu oyunçular regionda hakimiyyəti əldə saxlamaq üçün sünni-şiə məsələsini də ortaya atırlar”.

Yaxın Şərqdə mövcud çoxillik münaqişələrdən danışan Əhməd Əbul Qeyt bildirib ki, bu münaqişələrə son qoymaq lazımdır.