Bu dəqiqələrdə Rusiya sülhməramlılarına məxsus avtomobil karvanı azərbaycanlı ekofəalların Laçın-Xankəndi yolunda dinc məqsədilə təşkil etdikləri aksiya ərazisindən sərbəst keçib.

AZƏRTAC-ın aksiya yerinə ezam olunmuş müxbiri xəbər verir ki, Xankəndidən gələn sülhməramlıların doqquz yük avtomobili bu dəqiqələrdə Laçın istiqamətində hərəkət edir.

Həmişə olduğu kimi, bu gün – ekoaksiyanın 73-cü günündə də sülhməramlılara məxsus nəqliyyat vasitələrinin ərazidən heç bir maneə olmadan hərəkət etmələri bir daha aksiyanın məramının dinc olduğunu nümayiş etdirir. Azərbaycanlı ekofəallar etirazların ilk günündən humanist prinsiplərə sadiqdirlər. Heç də siyasi xarakter daşımayan bu aksiya Qarabağ ərazisində faydalı qazıntı yataqlarının istismarına qarşıdır.

Qeyd edək ki, bu gün hazırkı vaxtadək 11 avtomobil aksiya ərazisindən maneəsiz keçib.