Dövlət quruculuğu siyasətinin əsas hədəfi ölkədəki siyasi partiyaların hüquqi müstəvidə fəaliyyət aparmalarıdır. Çünki kənar fəaliyyət siyasi partiyaların dövlətə və millətə qarşı çıxması olur.

AZƏRTAC xəbər verir ki, bu sözləri Milli Məclisin İnsan hüquqları komitəsinin sədri Zahid Oruc noyabrın 23-də Milli Məclisdə keçirilən mətbuat konfransında deyib.

Zahid Orucun sözlərinə görə, qanun layihəsinə edilən dəyişikliklər bir daha onu göstərdi ki, hakimiyyət və qanunverici orqan düzgün yoldadır. Qarşı çıxanların arqumentləri hüquqi deyil. Məqsəd güclü siyasi partiyaların formalaşdırılmasıdır. Dövlət Vətən müharibəsində qazanılan Qələbədən sonra ölkədə qalib siyasi sistem formalaşdırmaq niyyətindədir.