Bu gün Bakıda Çex Respublikasının Dövlətçilik Günü münasibətilə rəsmi qəbul təşkil olunub.

AZƏRTAC xəbər verir ki, rəsmi qəbulda əvvəlcə Azərbaycanın və Çexiyanın Dövlət himnləri səsləndirilib.

Tədbirdə çıxış edən Çexiyanın Azərbaycandakı səfiri Milan Sedlaçek ölkəsinin dövlətçilik gününün tarixindən danışıb və Çex Respublikasının əldə etdiyi nailiyyətlər barədə də ətraflı məlumat verib. Çexiyanın digər ölkələrlə qarşılıqlı faydalı əməkdaşlıqda maraqlı olduğunu diqqətə çatdıran səfir Azərbaycan-Çexiya münasibətlərinə toxunaraq, ölkələrimiz arasındakı strateji tərəfdaşlıq əlaqələrinin inkişafından danışıb.