Oktyabrın 25-də Bakıda "Heydər Əliyev: Müstəqil Azərbaycanın beynəlxalq münasibətlər sisteminə inteqrasiyasında Ümummilli Liderin rolu" mövzusunda onlayn konfrans keçirilir.

AZƏRTAC xəbər verir ki, Yeni Azərbaycan Partiyasının (YAP) təşkilatçılığı ilə keçirilən tədbirdə Partiya Sədrinin müavini – Mərkəzi Aparatın rəhbəri Tahir Budaqov, Qaçqınların və Məcburi Köçkünlərin İşləri üzrə Dövlət Komitəsinin sabiq sədri, YAP Veteranlar Şurasının üzvü Əli Həsənov və digər rəsmi şəxslər iştirak edirlər.

YAP Gənclər Birliyinin üzvü Anastasiya Lavrinanın moderatorluq etdiyi konfransa tanınmış Qazaxıstan şairi, yazıçısı, ictimai və siyasi xadim Oljas Süleymenov, TASS xəbər agentliyinin baş direktorunun birinci müavini Mixail Qusman, həmçinin Belarus, Tacikistan və Qırğızıstanın tanınmış siyasi xadimləri onlayn qatılacaqlar.