Dekabrın 25-də Azərbaycan Ağsaqqallar Şurasının ümumi yığıncağı keçirilir.

AZƏRTAC xəbər verir ki, toplantıda Şuranın İdarə Heyətinin sədri və üzvləri, Şura Aparatının əməkdaşları, 77 şəhər və rayon təşkilatından olan nümayəndə heyətləri, tanınmış alimlər, ziyalılar və fəal gənclər iştirak edirlər.

Yığıncağın gündəliyinə iki məsələ daxil edilib. Birinci məsələ Azərbaycan Ağsaqqallar Şurasının illik hesabatının dinlənilməsi, ikincisi isə 2024-cü il fevralın 7-nə təyin edilmiş növbədənkənar prezident seçkilərində “İlham Heydər oğlu Əliyevin Azərbaycan Prezidentliyinə namizədliyinin dəstəklənməsi”dir.

Tədbirin yekununda bəyanat qəbul olunacaq.

Qeyd edək ki, Azərbaycan Ağsaqqallar Şurası 1989-cu ildə təsis olunub.