Zəngilana edilən səfər siyasi dialoqun təşviqi istiqamətində uğurlu nəticələr verə bilər. Belə ki, dövlətimizin başçısının təşəbbüsü ilə həyata keçirilən bu cür səfərlərin faydalı olacağını düşünürəm.
×
Zəngilana edilən səfər siyasi dialoqun təşviqi istiqamətində uğurlu nəticələr verə bilər. Belə ki, dövlətimizin başçısının təşəbbüsü ilə həyata keçirilən bu cür səfərlərin faydalı olacağını düşünürəm. Həmçinin ölkəmizdə dialoq mühitinin formalaşdırılması da bu yöndən birliyimizi daha da möhkəmləndirəcək.
Bu fikirləri AZƏRTAC-a Zəngilana səfər çərçivəsində müsahibə verən Sosial Demokrat Partiyasının sədri Araz Əlizadə söyləyib.
O, bugünkü səfərin əhəmiyyətindən bəhs edib. Bu cür səfərlərin vacibliyi vurğulayıb: "Bu gün biz Cəbrayıl və Zəngilanda olduq. Cəbrayılda ermənilər tərəfindən basdırılmış minaların zərərsizləşdirilməsi ilə də tanış olduq. Bundan əlavə, Zəngilanda Həkəri çayına balıq buraxılması prosesi və Ağalı kəndində "Ağıllı kənd" layihəsi ilə yaxından tanış olduq, məlumatlar əldə etdik. İnanırıq ki, yaxın vaxtlarda məcburi köçkünlər öz yurdlarına qayıdacaqlar. Dövlətimiz də bu istiqamətdə fasiləsiz işlər həyata keçirir".