IX Qlobal Bakı Forumu mənə xoş təsir bağışladı. Düşünürəm ki, bu Forum ən geniş yayılmış qlobal tədbirdir.

Bu sözləri “Qlobal dünya nizamına təhdidlər” mövzusunda keçirilən IX Qlobal Bakı Forumunun iştirakçısı, Finlandiya Prezidentinin sabiq baş məsləhətçisi Aira Kalela AZƏRTAC-a müsahibəsində söyləyib.

O, Qlobal Bakı Forumunda bir sıra vacib məsələlərin müzakirə olunduğunu bildirərək deyib: “Bakıya ilk dəfə 2013-cü ildə gəlmişəm. O zamandan bəri hər il Bakıya səfər edirəm. Forumda iştirak edənlər yüksək vəzifəli dövlət rəsmilərdir. Çox şanslıyam ki, keçirilən bütün Qlobal Bakı Forumlarının hər birində iştirak etmə imkanım olub”, - deyə A.Kalela qeyd edib.