Siyasi partiya nümayəndələrinin, politoloqların və siyasi şərhçilərin bugünkü Zəngilan səfəri çox uğurlu qiymətləndirməlidir.
×
Siyasi partiya nümayəndələrinin, politoloqların və siyasi şərhçilərin bugünkü Zəngilan səfəri çox uğurlu qiymətləndirməlidir. Belə ki, iki ildir ölkəmizdə iqtidarla siyasi partiyalar arasında aparılan dialoqun növbəti nəticəsi kimi bu səfəri məhsuldarlığına görə müsbət dəyərləndirmək olar.
Bu fikirləri AZƏRTAC-a Zəngilana səfər çərçivəsində müsahibə verən Azərbaycan Naminə Alyans Partiyasının sədri Abutalıb Səmədov söyləyib.
Partiya sədri deyib: "Bu gün Zəngilanda aparılan bərpa-quruculuq işləri ilə tanış olduq. Görülən işlər bizi həm sevindirdi, həm də qürurlandırdı. Arzu edirik ki, işğaldan azad olunmuş digər ərazilərimizdə də bu cür infrastruktur layihələri, gözəl kəndlər salınsın. Təbii ki, bu işdə Azərbaycana güclü dəstək də lazımdır. Bunun üçün Qərb maliyyə təşkilatları və digər qurumlar ölkəmizə maddi vəsaitlər ayırmalıdır. Lakin, biz bunun əksini müşahidə edirik. Belə ki, bu kimi təşkilatlar Ermənistanı himayə edir, onlara ciddi maliyyə yardımları edirlər. Biz Qərb təşkilatlarının ədalətli davranaraq Azərbaycana istər minaların təmizlənməsində, istərsə də digər işlərdə dəstək verməsinə ümid edirik".