Mən hər zaman Qarabağı görmək istəyirdim. İşğaldan azad edilmiş ərazilərdəki dağıntılar, burada baş vermiş hadisələr böyük bir faciədir.

Bu sözləri AZƏRTAC-a açıqlamasında Sent-Endryus Universitetinin professoru Rik Foun söyləyib.

“Şuşada keçirilən “Cənubi Qafqaz: İnkişaf və Əməkdaşlıq” Forumunun Cənubi Qafqaz regionunu inkişaf etdirmək və bir çox ölkələrdən olan insanları bir araya gətirmək üçün böyük fürsətlər yaratdığını düşünürəm. Qarabağ bir çox yöndən önəmli bir bölgədir. Bu ərazilərin uzun müddət bölünmüş olması çox üzücüdür”, - deyə R.Foun qeyd edib.