Təəssüflər olsun ki, son zamanlar inkişaf səviyyəsindən asılı olmayaraq ölkələrin iqtisadiyyatı iqlim dəyişmələri nəticəsində böyük zərər görür.

AZƏRTAC xəbər verir ki, bunu ekologiya və təbii sərvətlər nazirinin müavini Umayra Tağıyeva qlobal iqlim dəyişmələri mövzusunda keçirilən dəyirmi masada deyib. U.Tağıyeva bildirib ki, alimlərin proqnozlarına görə, yaxın gələcəkdə təbii fəlakətlərin sayı və təkrarlanması artacaq. Bu da bütün ölkələrin qarşısında yeni çağırışlar qoyur.