Bakıda keçirilən XII Bakı Beynəlxalq Kitab Sərgisi kitabsevərləri, yazıçıları, nəşriyyat nümayəndələrini və ədəbiyyat xadimlərini bir araya gətirib.

Oktyabrın 21-dən 27-dək davam edən sərgidə yerli və xarici nəşriyyatların məhsulları, müxtəlif janrlarda kitablar, uşaqlar və gənclər üçün nəşr nümunələri təqdim olunur.

Sərgi ziyarətçiləri stendlərlə tanış olur, maraqlandıqları nəşrləri vərəqləyir, müəlliflərlə görüşür və yeni kitablar kəşf edirlər. Məktəblilərin və gənclərin də sərgiyə böyük marağı diqqət çəkir. Onlar müxtəlif mövzularda nəşrlərlə tanış olur, mütaliə seçimlərini zənginləşdirirlər.

Sərgi çərçivəsində təşkil olunan görüşlər və digər tədbirlər iştirakçılara ədəbiyyat dünyasına yaxından nüfuz etmək imkanı yaradır.

AZƏRTAC kitab sərgisindən fotoreportaj təqdim edir.