Paytaxtda fəaliyyət göstərən 1097 avtobus Mərkəzləşdirilmiş dispetçer sisteminə qoşulub.

AZƏRTAC xəbər verir ki, bu barədə Bakı Nəqliyyat Agentliyinin (BNA) İdarə Heyətinin sədri Vüsal Kərimli aprelin 28-də keçirdiyi mətbuat konfransında deyib.

“Bu sistem vasitəsilə sərnişin axınının həcmi və istiqamətlərinə, sürücülərə və sərnişinlərə nəzarət etmək mümkün olacaq. Həmçinin dayanacaqlardan keçən marşrutları müşahidə etmək imkanı yaranacaq. Keçən il Nəqliyyatı İntellektual İdarəetmə Mərkəzinin texniki imkanları 2 dəfə artırılıb”, - deyə o qeyd edib.