Türkiyə orta məktəblərində dərslərin normal keçirilməsi üçün qərar qətiləşməyib. Buna səbəb yeni növ koronavirus (COVID-19) pandemiyası riskinin yüksək qalmasıdır.
×
Türkiyə orta məktəblərində dərslərin normal keçirilməsi üçün qərar qətiləşməyib. Buna səbəb yeni növ koronavirus (COVID-19) pandemiyası riskinin yüksək qalmasıdır. Dərslərin ənənəvi şəkildə bərpasına dair böyük tərəddüd yaşanır.
AZƏRTAC xəbər verir ki, orta məktəblərdə dərslərin sentyabrın 21-də başlanması nəzərdə tutulsa da, hələlik normal dərs prosesinin necə olacağı məlum deyil. Dərslər avqustun 31-də distant yolla başlayacaq. Prosesin davamı ilə bağlı son qərar isə Türkiyə Səhiyyə Nazirliyinin Elmi Komitəsinin tövsiyəsinə uyğun qəbul olunacaq.
Qeyd edək ki, Türkiyədə koronavirusa gündəlik yoluxmada artım davam edir. Bu səbəbdən vilayətlər üzrə vəziyyətə uyğun olaraq yerli hökumət orqanları tərəfindən sosial məhdudiyyətlər tətbiq edilir. Avqustun 28-də daha 1517 nəfərdə virus aşkar olunub. Sutka ərzində 1017 nəfər sağalıb, 36 nəfər ölüb. Rəqəmlərdən göründüyü kimi, sutka ərzində yoluxma sayı sağalanlardan 500 nəfər çoxdur.
Sabir Şahtaxtı
AZƏRTAC-ın xüsusi müxbiri
Ankara