Türkiyə Prezidenti Rəcəb Tayyib Ərdoğan ilə ABŞ Prezidenti Donald Tramp arasında telefon danışığı olub.

AZƏRTAC Türkiyə Prezident Administrasiyasının İctimai Əlaqələr İdarəsinə istinadla xəbər verir ki, söhbət zamanı ikitərəfli münasibətlər, eləcə də Şərqi Aralıq dənizindəki vəziyyət başda olmaqla regional proseslər müzakirə edilib.

Prezident Rəcəb Tayyib Ərdoğan amerikalı həmkarının diqqətinə çatdırıb ki, Türkiyə Şərqi Aralıq dənizindəki sabitliyə qarşı olan tərəf deyil. Gərginliyin azalmasının və dialoqun tərəfdarı olan Türkiyə bu istiqamətdə konkret addımlar atmaqdadır.

Sabir Şahtaxtı

AZƏRTAC-ın xüsusi müxbiri

Ankara