Bu gün Azərbaycan Ürək və Damar Cərrahiyyəsi Cəmiyyətinin təşkilatçılığı ilə (AÜDCC) Ümummilli Lider Heydər Əliyevin 100 illiyinə həsr olunmuş “Bakı Ürək Günləri” 8-ci Beynəlxalq Konqresi işə başlayıb.

AZƏRTAC xəbər verir ki, konqres çərçivəsində Azərbaycan, Türkiyə, Qazaxıstan, Özbəkistan, Türkmənistan, Qırğızıstandan olan kardioloq və kardiocərrahların iştirakı ilə “Türk dünyasında ürək-damar cərrahiyyəsinin gələcəyi” adlı dəyirmi masa keçirilib.

Dəyirmi masada ürək-damar xəstəlikləri və onların müalicəsinə dair son yeniliklər müzakirə edilib, Azərbaycanda kardiologiyanın və ürək-damar cərrahiyyəsinin inkişafına töhfə verilməsi istiqamətində əcnəbi mütəxəssislərlə birgə fikir mübadiləsi aparılıb.