Azərbaycan Həmkarlar İttifaqları Konfederasiyası (AHİK)) ilə "Türk-İş" Həmkarlar İttifaqları Konfederasiyasının (HİK) kollektivi, həmçinin Özbəkistan, Qazaxıstan və Qırğızıstan həmkarlar ittifaqlarının rəhbərləri iyulun 28-də Fəxri xiyabanda Ulu Öndər Heydər Əliyevin məzarını ziyarət ediblər.

AZƏRTAC xəbər verir ki, Azərbaycan, Türkiyə, Özbəkistan, Qazaxıstan və Qırğızıstan həmkarlar ittifaqlarının nümayəndələri xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə əklil qoyublar.

Görkəmli oftalmoloq-alim, akademik Zərifə xanım Əliyevanın xatirəsi yad edilərək məzarı üzərinə gül dəstələri düzülüb.