Səhiyyə Nazirliyi Elmi-Tədqiqat Travmatologiya və Ortopediya İnstitutu və Azərbaycan Ortopediya Cəmiyyəti tərəfindən martın 1-də “Artroplastika və Artroskopiya kursu: Çiyin və diz nahiyəsi” adlı konfrans keçirilib.
×
Səhiyyə Nazirliyi Elmi-Tədqiqat Travmatologiya və Ortopediya İnstitutu və Azərbaycan Ortopediya Cəmiyyəti tərəfindən martın 1-də “Artroplastika və Artroskopiya kursu: Çiyin və diz nahiyəsi” adlı konfrans keçirilib.
AZƏRTAC xəbər verir ki, tədbirdə ilk olaraq Azərbaycan Respublikasının və Türkiyə Cümhuriyyətinin Dövlət himnləri səsləndirilib. Daha sonra Azərbaycanın ərazi bütövlüyü uğrunda canını qurban vermiş şəhidlərin əziz xatirəsi bir dəqiqəlik sükutla yad edilib.
200-ə yaxın həkimin iştirakı ilə keçirilən konfransda tibdə yeni istiqamət, travmatologiyanın aktual elmi və praktiki aspektlərinə dair məruzələr dinlənilib, mövzu ilə bağlı müzakirələr aparılıb və suallar cavablandırılıb.
Tədbirin keçirilməsində məqsəd Azərbaycan Travmatologiya və Ortopediya İnstitutu və Azərbaycan Ortopediya Cəmiyyətinin fəaliyyətinin optimallaşdırılması, Azərbaycan travmatoloq və ortopedlərinin ixtisaslaşması üçün şərait yaratmaq və gələcəkdə xarici ölkələrə, xüsusən də Türkiyədə yerləşən bir çox tibb müəssisələri, universitetlər və dərnəklər arasında ortaq fəaliyyətə şərait yaratmaqdır.
Tədbirin mühüm istiqamətlərindən biri qarşılıqlı əməkdaşlıq, ortaq çalışmaların aparılmasıdır.
Bunun nəticəsində gələcəkdə Azərbaycanda travmatoloq və ortopedlər tərəfindən mühüm elmi-tədqiqatların aparılması üçün şərait yaranacaq, təkliflər veriləcək.