Avropa ilə Asiya arasında qlobal təchizat zəncirində Azərbaycanın rolu artacaq.

AZƏRTAC xəbər verir ki, bu barədə “Bakı Beynəlxalq Dəniz Ticarət Limanı” QSC-nin baş direktoru Taleh Ziyadov jurnalistlərə açıqlamasında deyib.

“Son hadisələr onu göstərir ki, Orta Dəhliz adlandırılan və Azərbaycanın da fəal iştirak etdiyi bu dəhlizin əhəmiyyəti qısa və orta müddətdə artacaq. Orta Dəhliz nəinki region ölkələri, açıq dənizlərə çıxışı olmayan ölkələr üçün də əhəmiyyətli dəhlizdir. Eyni zamanda, Çinin Avropaya, Qara dənizə, Türkiyəyə birləşməsində bu dəhlizin mühüm rolu var”, - deyə baş direktor qeyd edib.