Cari ilin beş ayında Azərbaycanın neft ixracından və qaz ixracından əldə etdiyi valyuta gəlirləri tarixdə ilk dəfə bərabərləşib.

AZƏRTAC xəbər verir ki, bunu Milli Məclisinin İqtisadi siyasət, sənaye və sahibkarlıq komitəsinin iclasında "Azərbaycanın 2022-ci il dövlət büdcəsi haqqında” yenilənmiş qanun layihəsinin müzakirəsi zamanı komitənin sədri Tahir Mirkişili deyib.

Onun sözlərinə görə, bu, eyni zamanda, qazın qiymətindəki sıçrayışla bağlıdır: “Tədiyyə balansında bu ilin ilk 3 ayında neftdən əldə olunan gəlir 3,8 milyard ABŞ dollarına yaxınlaşsa da, qaz ixracından gəlirlər 3,5 milyard dolara yaxın olub”.