Son 6 il ərzində Azərbaycanda sığorta haqlarının illik artım tempi 12.2 faiz olub. Müvafiq göstəricilər həyat sığorta sinifləri üzrə 15,7 faiz, qeyri-həyat sığorta sinifləri üzrə isə 5,6 faiz təşkil edib.
×
Son 6 il ərzində Azərbaycanda sığorta haqlarının illik artım tempi 12.2 faiz olub. Müvafiq göstəricilər həyat sığorta sinifləri üzrə 15,7 faiz, qeyri-həyat sığorta sinifləri üzrə isə 5,6 faiz təşkil edib.
AZƏRTAC xəbər verir ki, bu barədə Sosial Tədqiqatlar Mərkəzinin rəhbəri Zahid Oruc deyib.
O bildirib ki, 2021-ci ildə sığorta haqlarının həcmi 844 milyon manat, 2022-ci ildə isə 15 faiz və ya 127 milyon manat artaraq 971 milyon manata çatıb. Dövr ərzində könüllü sığorta növləri üzrə 24 faiz artım (141 milyon manat), icbari sığorta növləri üzrə isə 6 faiz azalma (14,6 milyon manat) müşahidə edilib. Könüllü sığorta növləri üzrə artımın əsas drayveri kimi həyatın yaşam sığortası çıxış edib.
“Sığorta haqlarının yarısından çoxu 3 sığorta sinfi üzrə toplanır - yaşam (40,9 faiz), avto icbari (11,7 faiz), tibbi (11,6 faiz). Belə ki, onların əsas sığorta siniflərinin ümumi haqlarda payı 64 faiz təşkil edib”, - deyə Z.Oruc əlavə edib.
