Şəhərətrafı dəmir yolu xəttində təmassız ödənişlər genişləndirilir.

AZƏRTAC xəbər verir ki, iyunun 2-də "Visa" şirkəti, "Azərbaycan Dəmir Yolları" QSC, Azərbaycan Mərkəzi Bankı və Azərbaycan Beynəlxalq Bankı ilə tərəfdaşlıq çərçivəsində şəhərətrafı dəmir yollarında təmassız ödəniş sistemi tam şəkildə istifadəyə verilib.

Artıq Abşeron dairəvi dəmir yolunun bütün stansiyalarında ölkənin istənilən bankı tərəfindən buraxılmış kartların sahibləri üçün təmassız ödəniş etmək mümkündür. Hazırda Abşeron dairəvi dəmir yolunun 14 stansiyasının hamısında hər iki istiqamətdə təmassız oxuyucu cihazları ilə təchiz edilmiş turniketlər quraşdırılıb.