Rumıniyada koronavirusa yoluxanların sayı 66 min 631 nəfərə çatıb və artmaqda davam edir.

AZƏRTAC Rumıniya Səhiyyə Nazirliyinə istinadla xəbər verir ki, son 24 saat ərzində 1454 yeni yoluxma hadisəsi baş verib. Koronavirusdan ölənlərin sayı 2860 nəfərdir, 31 min 547 nəfər sağalıb.

Qeyd edək ki, vəziyyətin kəskinləşdiyinə görə Rumıniya hökuməti vətəndaşları sanitar normalara riayət etməyə çağırır. Digər Avropa ölkələri ilə müqayisədə koronavirus Rumıniyada sürətlə inkişaf edir. Bütün bunlara baxmayaraq hökumət yenidən sərt məhdudiyyətlərin tətbiq etməsinə tələsmir.

İqbal Hacıyev

AZƏRTAC-ın xüsusi müxbiri

Buxarest