Bu gün biz Ali Məhkəmənin kollektivi olaraq ağacəkmə aksiyasında iştirak edirik.

AZƏRTAC xəbər verir ki, bunu Ali Məhkəmənin sədri Ramiz Rzayev Ali Məhkəmənin yaradılmasının 100 illiyinə həsr olunan ağacəkmə aksiyası zamanı jurnalistlərə müsahibəsində deyib.

Hər kəsi Konstitusiya Günü münasibətilə təbrik edən R.Rzayev deyib: “Gələn ilin fevral ayında Azərbaycanda Ali Məhkəmənin yaradılmasının 100 illiyidir. Bugünkü ağacəkmə aksiyasını da biz buna həsr edirik”.

Ekologiya və Təbii Sərvətlər Nazirliyinin Abşeron ərazisinin yaşıllaşdırılması sahəsində böyük işlər gördüyünü deyən Ali Məhkəmənin sədri “Biz də öz kollektivimizlə Abşeronun yaşıllaşdırılmasına töhfə verdik” sözləri ilə fikrini tamamlayıb