Cari ilin sentyabr ayına qədər qurumuş və qəzalı yaşıllıqların götürülməsinə dair aparılmış monitorinqlərin nəticəsi açıqlanıb.
×
Cari ilin sentyabr ayına qədər qurumuş və qəzalı yaşıllıqların götürülməsinə dair aparılmış monitorinqlərin nəticəsi açıqlanıb.
AZƏRTAC xəbər verir ki, monitorinqlərin nəticəsi barədə Dövlət Ekoloji Ekspertiza Agentliyinin İdarə Heyətinin sədr müavini İman Quliyev Bakı şəhəri üzrə müxtəlif ünvanlarda qurumuş və qəzalı ağacların götürülməsi ilə bağlı maarifləndirici ictimai dinləmədə çıxışı zamanı deyib.
Onun sözlərinə görə, paytaxtın Səbail rayonu üzrə 13 müraciət üzrə verilmiş rəyin 8-i icra olunub. "Binəqədi rayonu üzrə 25 müraciət üzrə verilmiş rəyin 12-i icra olunub, Yasamal rayonu üzrə - 25 müraciət üzrə verilmiş rəyin 10-u icra olunub".
Dinləmələrdə ekoloqlar, bələdiyyə, QHT və KİV nümayəndələri iştirak edir. Ağacların götürülməsi, bərpa dəyəri, mühafizəsi və ekoloji vəziyyətin yaxşılaşdırılması istiqamətində görüləcək işlərin müzakirəsi aparılır.
