20 Yanvar faciəsinin 33-cü ildönümü ilə əlaqədar Qeyri-Hökumət Təşkilatlarına Dövlət Dəstəyi Agentliyinin kollektivi və 300-ə yaxın qeyri-hökumət təşkilatının nümayəndələri yanvarın 19-da Şəhidlər xiyabanını ziyarət ediblər.

AZƏRTAC xəbər verir ki, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, agentliyin Müşahidə Şurasının üzvləri, qeyri-hökumət təşkilatlarının və KİV-lərin nümayəndələri ölkəmizin müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarları üzərinə tər qərənfillər düzüb, xatirəsini ehtiramla anıblar. Həmçinin “Əbədi məşəl” abidəsinin önünə əklil qoyulub.