Cari il ərzində dağ-mədən sahəsində fəaliyyət göstərən və mövcud qanunvericilikdə müəyyən edilmiş zəruri sənədləri tam olmayan istismarçıların şəffaflaşdırılması istiqamətində işlər aparılmaqdadır.

Belə ki, bu il ərzində Bakının Qaradağ rayonunda yerləşən daş karxanaları üzrə 47 yer təki istifadəçisinə icazə və digər zəruri sənədlər təqdim edilib. Bu istiqamətdə işlər qarşıdakı illərdə də sürətlə davam etdiriləcək.

AZƏRTAC xəbər verir ki, bunu Dövlət Mineral Xammal Ehtiyatlarından İstifadə Agentliyinin sədri Samir İdayətov 2022-ci ilin yekunlarına dair brifinqdə deyib.