Bayram günlərində ölkəmizin, eyni zamanda, paytaxtımızın bir çox guşələrində Yeni il ab-havası yaşanır.

AZƏRTAC xəbər verir ki, bayramlarla əlaqədar Bakı şəhərinin parkları, meydan və küçələri al-əlvan bəzədilib, Yeni il atributları, yolkalar və digər bayram rəmzləri paytaxtımıza xüsusi gözəllik bəxş edir.

Dənizkənarı Milli Park, eləcə də Neftçilər və Azərbaycan prospektləri, Yusif Səfərov, Niyazi, İstiqlaliyyət küçələrində xüsusi bayram tərtibatı işləri aparılıb. Bu işlər ictimai iaşə obyektlərini də əhatə edir.

Hər il olduğu kimi, bu il də paytaxt sakinləri və qonaqların ən çox üz tutduğu məkanlardan biri Dənizkənarı bulvardır. Şəhərdə bayramın daha çox qeyd edildiyi məkanlarda fərqli və geniş formada xüsusi proqram hazırlanıb. Müxtəlif Yeni il atributları və simvolları, bayram yarmarkaları təşkil olunub.

Qeyd edək ki, 31 Dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar Azərbaycanda 5 gün ardıcıl (31 dekabr, 1,2,3,4 yanvar) qeyri-iş günüdür.

AZƏRTAC-ın fotomüxbiri Bakı bulvarında olub və bu füsunkar guşədəki insanların istirahətinin maraqlı anlarının şəkillərini çəkib. Həmin fotogörüntüləri təqdim edirik