2020-ci ildə respublikada 1385,3 kilometr uzunluğunda avtomobil yolları, prospekt və küçələr tikilib, yenidən qurulub və təmir olunub.

AZƏRTAC xəbər verir ki, bu sözləri fevralın 22-də Azərbaycan Avtomobil Yolları Dövlət Agentliyinin idarə heyətinin sədri Saleh Məmmədov “2020-ci ildə yerinə yetirilmiş işlər və qarşıda duran vəzifələr” mövzusuna həsr edilən brifinqdə deyib.

S.Məmmədov qeyd edib ki, hesabat dövrü ərzində, o cümlədən 254,6 kilometr respublika əhəmiyyətli, 767,2 kilometr yerli əhəmiyyətli yollar təmir edilib. Bakı şəhəri üzrə 342,1 kilometr və Sumqayıt şəhəri üzrə 21,4 kilometr yolun inşasi və təmiri həyata keçirilib.