Bu gün İsrail kiber-təhlükəsizlik, maliyyə texnologiyaları (fintech) və rəqəmsal səhiyyə sistemi sahəsində lider mövqeyə malikdir. Bu baxımdan, innovasiya sahəsində əməkdaşlığın gücləndirilməsi ölkələrimiz arasında iqtisadi inteqrasiyanın dərinləşməsinə əhəmiyyətli töhfə verə bilər.

AZƏRTAC xəbər verir ki, bunu Kiçik və Orta Biznesin İnkişafı Agentliyinin İdarə Heyətinin sədri

Orxan Məmmədov Azərbaycan–İsrail İnnovasiya Forumunda bildirib.

O qeyd edib ki, innovativ sahibkarlığın inkişafı Azərbaycan Hökumətinin strateji fəaliyyət gündəliyində əks olunub. Onun sözlərinə görə, Azərbaycanda 2026-cı ilə qədər yüksək və orta-yüksək texnoloji sənayenin ümumi əlavə dəyərdə xüsusi çəkisinin 15 faizə qədər artırılması hədəflənir.