Ortamüddətli Xərclər Çərçivəsinin (OMXÇ) yeni sektorlara tətbiqi nəzərdə tutulur.

AZƏRTAC xəbər verir ki, bu barədə maliyyə naziri Samir Şərifov “Təhsil sektorunda Ortamüddətli Xərclər Çərçivəsinin tətbiqi və nəticəəsaslı büdcə mexanizminə keçid” mövzusunda seminarda deyib.

Nazir bildirib ki, cari ildən pilot sektorlarda nəticəəsaslı büdcəyə keçid prosesinin tamamlanması və proqram əsaslı büdcənin təkmilləşdirilərək tam tətbiqi, eyni zamanda, islahat prosesinə digər sektorların da cəlb olunması nəzərdə tutulur. Bununla əlaqədar cari ildən başlayaraq yeni cəlb olunacaq sektorlarda OMÇX-in tətbiqi və nəticəəsaslı büdcəyə keçid işlərinə başlanılması planlaşdırılır. Yeni sektorlar sosial təminat, mədəniyyət və incəsənət, turizm, gənclər və idman sahələrini əhatə edəcək.