Türkiyə və Azərbaycan arasında media və informasiya sahəsində mübadilələr mövcuddur.

AZƏRTAC xəbər verir ki, bunu Türk Dövlətləri Təşkilatına (TDT) üzv və müşahidəçi ölkələrin audiovizual media üzrə tənzimləyici orqanlarının birinci toplantısında çıxışı zamanı Türk Dövlətləri Təşkilatının Baş katibinin müavini Ömər Kocaman deyib.

Ömər Kocaman bildirib: “Digər sahələrdə olduğu kimi, bu sahəni də inkişaf etdirmək əhəmiyyətlidir. Təşkilat olaraq ölkələrimizə dair informasiyaları dünyaya düzgün şəkildə çatdırmaq niyyətindəyik və məqsədimiz dezinformasiyaların qarşısını almaqdır. Şəffaf fəaliyyət bizim əsas məqsədimizdir. Hazırkı dönəmdə audiovizual medianın mühüm əhəmiyyəti var. Biz bunun vasitəsilə türk dünyasında məsafələri qısaltmışıq”