İşğaldan azad olunan ərazilərdə özəl sektorun fəaliyyəti üçün güzəştlər müəyyən edilib.

AZƏRTAC xəbər verir ki bunu əmək və əhalinin sosial müdafiəsi naziri Sahil Babayev "İnsan Resursları Zirvəsi 2023" tədbirində panel çıxışı zamanı deyib.

Nazir qeyd edib ki, güzəştlər bizim yaratdığımız stimullaşdırma paketidir. 140 minə yaxın vətəndaşın həmin ərazilərə köçməsi planlaşdırılıb. Köç edən vətəndaşlarımıza peşə hazırlığı çərçivəsində təlim proqramları tətbiq edilir. Güzəştlər imkan yaradır ki, bilik və bacarıqlı insanlar oraya gedərək biznes qurmağa can atacaq”.