Dekabrın 21-də Milli Məclisdə “Tibbi tullantıların idarə olunması: mövcud vəziyyət, problemlər və onların həlli yolları” mövzusunda ictimai dinləmə keçirilir.

AZƏRTAC xəbər verir ki, parlamentin Səhiyyə komitəsinin təşkilatçılığı ilə keçirilən dinləmədə səhiyyə nazirinin müavini Nadir Zeynalov, Ekologiya və təbii sərvətlər nazirinin müavini Rauf Hacıyev, Tibbi Ərazi Bölmələrinin İdarəetmə Birliyinin (TƏBİB) İcraçı direktoru Vüqar Qurbanov, İcbari Tibbi Sığorta üzrə Dövlət Agentliyinin İnzibati idarəetmə departamentinin rəhbəri Nurlan Quliyev və digər şəxslər iştirak edirlər.