“Azərbaycanda 2023-cü il Heydər Əliyev ili elan edilib. Milli Aviasiya Akademiyasında da Ulu Öndərin yubileyinə həsr edilən tədbirlər böyuk təntənə ilə keçirilir”.

AZƏRTAC xəbər verir ki, bu barədə noyabrın 7-də Ulu Öndərə həsr edilən tədbirdə akademiyanın Tədris işləri üzrə prorektoru Ədalət Səmədov bildirib.

Onun sözlərinə görə, akademiyada bununla bağlı 40-a yaxın tədbir keçirilib. İlin sonunadək bir sıra beynəlxalq tədbirlərin də keçirilməsi nəzərdə tutulub.

Akademiya rəsmisi, həmçinin 44 günluk Vətən müharibəsində Ali baş komandan İlham Əliyevin rəhbərliyi ilə Azərbaycan xalqının, şanlı ordumuzun şərəfli döyüş yolu keçdiyini və tarixi qələbə qazandığını qeyd edib.